اليوم في النشرة الرابعة من #كيفاش، باش نجاوبوكم على سؤال برشا من الناس طرحوه: كيفاش نراجع اللغات؟
الاجابة متع السؤال هذا جاتنا من عند أستاذة انجليزية، والحقيقة لقيتها من احسن الاجابات الي قدموهالي الأساتذة في خصوص كيفية مراجعة اللغات. النصائح أو التوجيهات الي عطيناهم، يلموا ويلخصوا كل ما لازم التلميذ مهما كان مستواه، أنو يعملها باش ينجم يخدم بالباهي في اللغات، ويجيب أعداد باهية بطريقة ساهلة.
قلنا أنو لازم تعمل فيشات، المستحسن ما تكونش كبيرة برشا، تكتب فيها الكلمات الجدد والا الـvoca متع كل محور، وفيشات أخرين تكتب فيهم أهم القواعد متع هاك اللغة مثلا قواعد الـPast progressive بالنسبة للانجليزية أو قواعد الـFutur Anterieur بالنسبة للفرنسية أو غيره من القواعد، والفيشة الثالثة تعملها خاصة بتصريف الافعال، وماذابيك تعرف تختار الافعال الى عادة ما يجيو في الفروض وتستحقلهم برشا في الخدمة متاعك كيما Avoir في الفرنسية وTo Have في الانجليزية وغيره من الافعال الاساسية في كل لغة.
نجيو تو لتحسين الكتابة... برشا يقلك أنا كي نجي نكتب، ترجع الورقة من عند الاستاذ(ة) حمراء خاطر فيها برشا أخطاء، وعندي مشكلة كبيرة في الكتيبة شنوة نعمل؟
ساهل برشا، كل ما عليك هوا انك تواصل تكتب، وتحرر وتعطي لاستاذك يصلحلك والا كان عندك صاحبك قوي في اللغات اعطيه يصلحلك ويفهمك، وما تحشمش من الاخطاء على خاطر الكلنا نتعلموا حتى بلغتنا الام الي هيا العربية....
اكتب فقرات او مواضيع في حاجات تابعة القراية متاعك، والا اجبد الباكات القدم، وشوف المواضيع واخدم، واستعمل Dictionary لكل كلمة ما تعرفهاش، حتى كان ما عندكش حل الـOnline Dictionary، أتو نعطيوكم أهمهم، الي تنجموا تستعملوهم في اخر المقال.
لكن فما نقطة مهمة، برشا تلامذة يقولوا أنو الحل البسيط والساهل باش تعمل جملة وانت ما تعرش تكتب هوا انك تستعمل Google Traduction، وهنا الغلطة الكبيرة الي يقوموا بيها برشا تلامذة.... Google traduction عمروا ما كان مصدر باش تعمل بيه جمل أو فقرات على خاطر يترجم حرفيا يعني Word by word، والترجمة الحرفية موش ديما صحيحة.
باهي، هنا انت باش تقلي مالا شنوة الحل؟ كيفاش نعرف الي كتبتوا صحيح والا غالط؟ كيفاش نثبت من كلمة كتبتها بالصحيح والا بالغالط والا نصلح أغلاطي في الفقرة الي كتبتها؟
ساهل برشا، احنا في نهاية المقال هذا باش نعطوكم قائمة برشا مواقع تعاونكم في حلان برشا مشاكل في الكتابة، منها Dictionaries، ومواقع تعاونك باش تصلح الكتابة متاعك في مختلف اللغات.
المهم تو، لازمك تبرتاجي المقال مع صحابك، على الفايسبوك، وتعمل جام على الباج متاعنا من هنا، وتبعنا على Instagram.
كان عندك سؤال، تنجم تخليلينا كومنتار على الباج متاعنا والا تبعثلنا message عليها وإلا تدخل للجروب الخاص بجماعة الباك من هنا.
------
المواقع الي تفيدك:
Reverso: موقع يصلحلك الأخطاء متاعك في الكتابة: يكفي أنك تكتب الفقرة أو الجملة وتعمل vérifier باش يعطيك الاصلاح، مع العلم أنو الحكاية هاذي موجودة للفرنسية والانجليزية وغيره ....
Larousse: هوا معروف أنو Dictionary لكنو موجودة online، وفيه زادة تصليح الفقرات والجمل، (اضغط هنا)، اما اذا كان حاجتك بـ Dictionary اضغط هنا
Cambridge: هوا Online Dictionary، يعاونوك برشا في شرح الكلمات الصعاب في الانجليزية.
Merriam Webster: هوا Online Dictionary، يعاونوك برشا في شرح الكلمات الصعاب في الانجليزية.
Thesaurus: هوا موقع مخصص باش تفركس بيه على كلمات من نفس المعنى (المرادفات) باللغة الانجليزية.
Oxford: هوا Online Dictionary، يعاونوك برشا في شرح الكلمات الصعاب في الانجليزية.
Papa English: هي شان على اليوتيوب فيها برشا حاجات في الـGrammar تقدمهملك بطريقة بسيطة وساهلة.
وإذا كان تحب على كور الباك في الفرنسية والانجليزية، موسوعة سكوول مخصصة موقع كامل لكل ماهو خاص باللغتين هاذوما ومعاهم الكور PDF: اضغط هنا
يمكنكم ارسال اسئلتكم على صفحتنا الرسمية على الفايسبوك أو عبر صفحتنا على Instagram للاجابة عليها.
اقرأ أيضا:
07 خطوات عليك القيام بها للتخلص من الخوف : اضغط هنا
كيفاش نراجع للغات؟ : اضغط هنا
14 خطوة عليك القيام بها من أجل مراجعة ناجحة في العطل : اضغط هنا
06 خطوات عليك القيام بها للتخلص من القلق والضجر والانقطاع عن المراجعة : اضغط هنا
خطوات عليك القيام بها لتخطي سلبية زملائك والمحيطين بك: اضغط هنا
14 خطوة عليك القيام بها من أجل مراجعة ناجحة في العطل : اضغط هنا
06 خطوات عليك القيام بها للتخلص من القلق والضجر والانقطاع عن المراجعة : اضغط هنا
خطوات عليك القيام بها لتخطي سلبية زملائك والمحيطين بك: اضغط هنا
